Robert Burns: The Weary Pund O’ Tow:

The Weary Pund O’ Tow

 

1792
Type: Poem

Chorus.-The weary pund, the weary pund,
The weary pund o’ tow;
I think my wife will end her life,
Before she spin her tow.

I bought my wife a stane o’ lint,
As gude as e’er did grow,
And a’ that she has made o’ that
Is ae puir pund o’ tow.
The weary pund, &c.

There sat a bottle in a bole,
Beyont the ingle low;
And aye she took the tither souk,
To drouk the stourie tow.
The weary pund, &c.

Quoth I, For shame, ye dirty dame,
Gae spin your tap o’ tow!
She took the rock, and wi’ a knock,
She brak it o’er my pow.
The weary pund, &c.

At last her feet-I sang to see’t!
Gaed foremost o’er the knowe,
And or I wad anither jad,
I’ll wallop in a tow.
The weary pund, &c.

————-

Home

Robert Burns Collection

Fledermausi’s Poetry Page

Poetry from Scotland 

Poetry by subject

Poems by author and category

Parallel translations, the parallel world of translating poetry 

Poetry in Russian (you’d have to select Russian in the language switch area, otherwise you won’t be able to read poems in Russian)