Robert Burns: She Says She Loes Me Best Of A’:

She Says She Loes Me Best Of A’

 

1794
Type: Song
Tune: Oonagh’s Waterfall.

Sae flaxen were her ringlets,
Her eyebrows of a darker hue,
Bewitchingly o’er-arching
Twa laughing e’en o’ lovely blue;
Her smiling, sae wyling.
Wad make a wretch forget his woe;
What pleasure, what treasure,
Unto these rosy lips to grow!
Such was my Chloris’ bonie face,
When first that bonie face I saw;
And aye my Chloris’ dearest charm-
She says, she lo’es me best of a’.

Like harmony her motion,
Her pretty ankle is a spy,
Betraying fair proportion,
Wad make a saint forget the sky:
Sae warming, sae charming,
Her faultless form and gracefu’ air;
Ilk feature-auld Nature
Declar’d that she could do nae mair:
Hers are the willing chains o’ love,
By conquering Beauty’s sovereign law;
And still my Chloris’ dearest charm-
She says, she lo’es me best of a’.

Let others love the city,
And gaudy show, at sunny noon;
Gie me the lonely valley,
The dewy eve and rising moon,
Fair beaming, and streaming,
Her silver light the boughs amang;
While falling; recalling,
The amorous thrush concludes his sang;
There, dearest Chloris, wilt thou rove,
By wimpling burn and leafy shaw,
And hear my vows o’ truth and love,
And say, thou lo’es me best of a’.

————-

Home

Robert Burns Collection

Fledermausi’s Poetry Page

Poetry from Scotland 

Poetry by subject

Poems by author and category

Parallel translations, the parallel world of translating poetry 

Poetry in Russian (you’d have to select Russian in the language switch area, otherwise you won’t be able to read poems in Russian)